لقافة بعض البنات ..... لا يفوتكم

لقافة بعض البنات
بسم الله الرحمن الرحيم

واحد كان مسرع على الخط ومعاه زوجته ، فجأه شاف في المنظره شرطي
قاعد يأشر له ، وقّف الرجال سيارته وياله الشرطي فسأله الرجال : شنو المشكله
الشرطي : انت كنت مسرع فوق الـ180 كيلو وهذا الطريق سرعته القصوى 60 كيلو
أنا راح أعطيك مخالفه
الرجال: لا ياخوك أنا كنت متعدي ال60 بشوي .
الزوجة : لا امبلي انت كنت ماشي على الأقل 160

الزوج طالع زوجته بنظرة حقد

الشرطي: بعطيك مخالفه بعد عشان الليت الخلفي مكسور

الرجال: مكسور...تصدق ما كنت ادري انه مكسور

الزوجه : وانا ونت من اسبوع علي شنو بالله كنا نتكلم ما كنا نتكلم عن الليت المكسور!!،

وعطاها الزوج نظرة حقد ثانيه

الشرطي: وبعطيك ورقة مخالفه لأنك مولابس حزام الامان

الرجال:اها أنا فصخته لما وقفت السيارة وييت عندي

الزوجه: لا لا لا أنت أصلآ عمرك ما ربطت حزام الأمان

التفت الزوج علي زوجته وصـرخ عليها : انتي ما تعرفين تسكتين أبد

سأل الشرطي الزوجه : لو سمحتي اهو دايم يصرخ عليك كذا

الزوجه: لا ... بس لما يكون سكران

قال الشرطي : ياحبيبي ... و سكران بعد !!

الرجال : لالالا تصدقها

قالت الزوجه: والله سكران حتى اول ما سرق هالسيارة راح وشرب له بطل

قال الشرطي: ياسلام والسيارة مسروقه بعد !!

قال الرجال: الله يهديك يبه لا ترد عليها ،
والتفت لزوجته قالها
لا تخليني اطلقك !!

قال الشرطي : واهو دايما يهددك بالطلاق

قالت الزوجه : اهو خلّه بالاول يتزوجني وبعدين يحلف بالطلاق
ههههههههههههههههههههههههههه

منقول